पाईं आलु कत्तिको खानुहुन्छ ? निश्चय नै आलुविना आम मानिसको किचन अपूर्ण हुन्छ । तरकारीबाहेक पनि आलु विभिन्न परिकारको रुपमा खाइन्छ । तर एउटा नयाँ अध्ययनलाई विश्वास गर्ने हो भने आलु धेरै खाँदा उच्च रक्तचापलगायत स्वास्थ्यसम्बन्धी विभिन्न समस्या हुने गर्छ ।

अध्ययनका क्रममा सातामा चारपटक आलु खाँदा उच्च रक्तचापको खतरा बढ्ने देखिएको थियो । उसिनेको वा पकाएको आलुबाट पनि खतरा रहेको अध्ययनकर्ताहरुले बताएका छन् । सामान्यतया चिप्स खाँदा रक्तचाप बढे पनि आलुका अन्य परिकार पनि उत्तिकै खतरनाक भएको अध्ययनमा उल्लेख छ । आलुलाई धेरैबेर फ्राइ गर्दा धेरै फ्याट हुने भएकाले स्वास्थ्यसम्बन्धी अन्य समस्या उत्पन्न हुने उनीहरुले बताएका छन् ।

हार्भार्ड मेडिकल स्कुलका अनुसन्धानकर्ताका अनुसार आलुलाई जुनसुकै प्रकारले पनि खाँदा रक्तचापको समस्या हुने गर्छ । आलुमा पाईने कार्बोहाइड्रेट उच्च रक्तचापको प्रमुख कारक भएको उनीहरुको बुझाई छ । आलुमा उच्च मात्रामा ग्लाईसेमिक सूचांक हुने भएकाले कार्बोहाइड्रेटयुक्त तत्व शरीरमा छिटो–छिटो सुगरमा रुपान्तरण हुने र बिस्तारै ब्लडसुगर तहमा वृद्धि हुने उनीहरुले बताएका छन् ।

परिणामस्वरुप ब्लड सुगरको मात्रा बढ्ने उनीहरुको भनाईं छ । २० वर्ष लगाएर गरिएको अध्ययनमा पुरुष र महिला गरी १ लाख ८७ हजार सहभागी गराइएको थियो । नियमित रुपमा आलु खाने महिला र पुरुषमध्ये महिलालाई अझै बढी उच्च रक्तचापको खतरा भएको अध्ययनमा जनाइएको छ । समग्रमा सातामा चार वा सोभन्दा बढीपटक पकाएको, उसिनेको वा फ्राइ गरेको आलु खानेलाई महिनामा एकपटक भन्दा न्यून खाने मानिसलाई भन्दा ११ प्रतिशत उच्च रक्त चापको खतरा बढी भएको बताइन्छ ।

त्यस्तै सातामा चारपटक भन्दा बढी चिप्स खानेलाई उच्च रक्तचापको खतरा १७ प्रतिशत रहेको अध्ययनमा देखिएको छ । आलु खाँदा स्वास्थ्यसम्बन्धी धेरै जटिलता ल्याउने निष्कर्ष पनि अध्ययन समूहको छ । गत जनवरीमा गरिएको एक अध्ययनमा आलु खाँदा गर्भावस्थामा डायबिटिजको उच्च खतरा भएको बताइएको थियो । सातामा दुईदेखि चारपटक आलु खाने गर्भवती महिलालाई डायबिटिजको खतरा २७ प्रतिशत रहेको अध्ययनमा जनाइएको थियो । 

नोट: "माथि उल्लेखित स्वास्थ्य सम्बन्धि जानकारी विभिन्न अनलाइन तथा पत्र-पत्रिकाहरुबाट साभार गरिएको हो। यी बिषयवस्तुहरु केवल जानकारीको लागी मात्र यहाँहरु समक्ष प्रस्तुत गरेका हौँ। कुनै पनि स्वास्थ्य सम्बन्धि टिप्सहरु प्रयोग गर्नु भन्दा पहिला अनिवार्य रुपमा चिकित्सकको सल्लाह लिनुहोला।"

YOUR REACTION?

Facebook Conversations